Skip to main content

CAB HI INDIA HINDU RAM A SIAM TUMNA HMANRUA A NI



Parliament-ah (Lok Sabha) Citizen (Amendment) Bill, 2016 (CAB) chu January ni 8 khan pass a ni a. He thil duhloh avang hian hmar chhak huapin lungawilohna lantir a ni a, politician tam tak he thil duhloh avang hian an pungkhawm hial. NE Region Political Parties Convention pawh neih hial a ni. BJP (Central-ah an sorkar tih hria ila) MLA meuh pawhin duhlohna thu an sawichhuak hial! Opposition leader, Pu Lalduhoma pawhin Kolkata khawpuia rally neihnaah na takin a duhloh thu a sawi chhuak hial. CM Delhi zin pawhin Prime Minister chu hemi chungchang hi a sawipui a, hlawhtling pawh a inti hle a nih kha. 

Politician ho mai bakah kohhran ang zawng pawhin theihtawpin Pathian hnenah pass loh a nih theih nan kan ṭawngṭai chuah chuah a nih kha. Heti taka duhlohna kan lantir vang pawh a ni mahna Rajya Sabha-a sawiho leh tura tih pawh chu sawihona pawh awmloin agenda-ah telh a nilo ta a, duhlohna thu lantir tute tan chuan hlawhtlinna ropui tak a ni awm e.

He bill kan duhlohna chhan ber chu kan ṭhenawm rama hnam hnufual zawk te danloa lo lut pawh huam vekin awlsam taka India mi an nih theih dawn vang a ni. Ṭhenawm state ami te pawh ILP-in min phuar chung pawha kan dang hlei theilo a nih laia Bangladesh leh Burma aṭanga lo lut ru ten khua leh tui nihna awlsam taka an nei mai tur chu thil duhawmlo tak a ni reng a ni.

Hetia'ng hi kan duhlo thu kan sawi changa kan au hla ber a ni hlawm a, amaherawhchu, hemi phena kan ngaihtuah tel meuhloh, thil serious tak chu ṭhenawm rama lo lut ten khua leh tui nihna an nei tur chungchang a nih rual hian sorkar laipui hotu te chuan sakhua zawng zawng huamtirloin Muslim an huamlo tlat mai hian ngaihtuahna a ti sei hle mai. Muslim nilo sakhaw dang hi chu an awm nual. Muslim hi Hindu ho er ber anni a, sakhaw dang hi chu a mawi-ah an pawm mai niin a lang.

Chuvangin, kan hlauh ber hi chu thil hlauhawm tak a nih rualin an thil tum verther tak hi hriattel a pawimawh khawp mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more