Skip to main content

TAITESENA SECTION TEN MEMBERS MEETING AN NEI



Kar hmasa Zirtawpni (1st. June) khan Taitesena section YMA te chuan 'Chhiatnia nula/tlangval leh nu leh pa mawhphurhna' tih thupuia hmangin member's meeting hlawhtling takin an hmang.

He hun hi section leader Pu Vanlalsawma'n a kaihruaia, committee member zinga kohhran upa awmchhun, Upa K. Lalbiakziala'n Bible chhiarin Pathian hnenah meeting a hlan.

Hun hmasa berah Secretary atangin thupuan leh hruaitute inhmelhriattirna neih a niin section report ngaihthlak zui a ni. Report-a a lan danin section huamchhungah hian member hmeichhia 464 leh mipa 374, an vaiin member 838 an awma, section zawng zawng a member tam ber anni. Committee member hi 52 awmin tumhnih Committee neih a ni tawh a, OB meeting hi tumnga an nei tawh bawk. Committee member te hi bial sawmah inthenin anni hian member budget khawnin, mitthi buhfai khawn leh section tul hrang hrang te bial mipuite hnenah an puangzar thin a ni. Hnatlang hi tum thum an nei tawh bawk.

Meeting-ah hian an huamchhunga zaithiam te zai turin an sawma, member paliin kalkhawmte zaiin an awi a ni. YMA Chhang atang pawhin zai leh lam mawi tak thlir ho a ni bawk. Hei phei hi chu mipuiin an duh viau a ni'ange an ti nawn hial a ni.

Taitesena section te hian project pali an neia, heng zinga apron leh lukhum chu branch president, Pu R.Lalduhzuala'n tangkai taka hman a nih theih nan a tlangzarh a, section treasure, Nl Lalpekkimi'n a ha chhin nghe nghe. Apron hi chhiattawk an awm nikhuaa nula thingpui sem te tan leh lumen zan sawhchiar siamte hak tura tih a ni. Hemi zan hian meeting thupui chu hun rei tak president lo ni tawh, Pu Lalropuia Pachuau chuan paper present hmangin thiam takin a sawi bawk.

Pu Ropuia chuan kalkhawm te chibai a buka, chumi hnuin a insit thu leh he chanvo  a chang hi phulo a intih thu a sawi.

Chhiattawk an awm changa 'ka tih tur a ni'  tih pawh hrelo an awm fo maiin khawtlang a tih mualpho thu sawiin tunhnaia kan mitthi neih tuma nula an awmlo leh nutling uaih tawhin thingpui an chawi mai chu zialo a tih thu a sawi. Mitthi lumen hi thalaite tihtur a nih thu  sawiin tumah tlaivar ngeih kan awmloa, tlangval tlaivar ten thlan laih kan tum ta meuhlo ni'a a hriat thu sawiin tlaivar leh thlan laih taima lehzual turin thalaite a sawm.

Tlangval khawhar in riak te an hawn tlai tak fo avangin hawn hma a tul thu sawiin a chang chuan kan puih tur khawhar chhungte tan phurrit a nih theih zawk dan sawiin khawhar in riah laia chhiattawk an awm a nih pawhin riahna hmuna mut mai chu tihtur a nih zawk thu a sawi.

Chhiattawk an awm changin mikhual te laka hawihhawm a tul thu sawiin kan chhungte/hmelhriat ni kherlo pawh nise lo biak lumlam hi tualchhung mite mawhphurna a nih thu sawiin mikhualte ei tur buatsaih chungchangah thenawm hnaite bengvar a tul thu a sawi bawk.

Kum upa zawkte pawhin tihtur an neih thu sawiin lumen nikhuaah zinga thalai tlaivarte thlak tura kal taimak a tul lehzual thu sawiin thalaite pawhin an nu leh pate theuh lo bengvar turin a chah bawk. Hranghlui mi tlawmngai thin hming tarlangin an hming chu tih hram naa zui turin kalkhawmte a sawm bawk.

'Phut let neiloin kan chin dan tha tak hi i chhunzawm zel ang u, ' tiin a thusawi tlang a kawm.

Hemi hnu hian debate ropui tak ngaihthlak leh a ni a, debate thupui 'Sihphir thalaite hi chhiatniah kan la tha tawk' tih chu member paruk (3+3) ten thiam takin an sawi. An tui tlang bawk ania'ng pakhatna nih tumna lam langloin an hun pelh hnu thleng pawhin an la sawi pap pap mai a ni. An sawithiam tlang bawka, mipui kutbeng thawm a ri deuh reng mai. Best debator hi mover leh opposer atangin thlan ve ve anni a, mover atangin Pu Lalthlamuana Royte ani a, opposer atangin Tv Lalrinnunga a ni thung. Debator te hian lawmman atan pen an dawng vek a ni. Meeting naa chanvo nei dangte hian pangpar an dawng vek bawk.

Hemi hnu hian tunhnaia zirnaa hlawhtling tharte leh infiamnaa veng ti hmingthatu te hnenah lawmpuina 36 semchhuah a ni a, lawmpuina hian certificate bakah container leh pangpar a keng tel a ni.

Hemi hnu hian meeting thupui ngaihthlak atangin a duh apiang tan thusawina hun hawn leh a ni a, mi engemawzat ding lehin thusawi a bengvarthlak tlang leh hle. Hlim leh khamlo taka hun hman a nih hnuin zan dar 10:20 ah Upa K. Rohlira'n tawngtaiin meeting a tin.

Meeting tan dawn ruaiah ruah a sur avangin tan hun darkar chanve laia an ti tlai chung pawhin member za chuang an kalkhawm thei a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more