Skip to main content

MARCH 2021, KA DIARY



1st. Monday : Huanah mang ka va khawh chhunzawm a, antam ka theh nghal. Atei Phuaibuang zin turin a chhuak.


2nd. Tuesday : Ka khawl mechanic-a ka dah chu ka la a, a dang ka dah leh. UMS-a te inah chief minister fapa, Siamtea chu arm wrestling chungchangah ian kawm.


3rd. Wednesday : Huanah thlai chi ka va thlak leh.


4th. Thursday : Pu Nghaka'n Pi Thani lung a phunna-ah kan kal.


5th. Friday : Lo ka va hal.


6th. Saturday : Aizawlah Mizoram Arm Wrestling Association hruaitu thlanna-ah Vice President, Tetea nen kan kal. He'ng mite hi thlanchhuah an ni :

President : Remlalnghaka

Vice President : Lalrivunga

Secretary : Philip Lalbiakchama

Joint Secretary : Samson Malsawmhlua (Lalawmpuia ka thlang)

Treasurer : Lalrinmawii (Lalawmpuia ka thlang)

Financial Secretary : David Lalfakmawia (Lalawmpuia ka thlang)

Banah president atana thlan thar leh mipui te kan inkawm ho. Chumi hnu-in bazar-ah club t-shirt leh library almairah chhuar tur vel kan en kual a, khawl exalator chu Rs 500/- in ka lei nghal. Aizawl hi Zara scooty in kan kal a ni.


7th. Sunday : Chhunah Nu Dini, AS te inah kan lo zau te kan committee. Chawhnu-ah Sunday School kan kal. Hei hi chawhnu lamah kan bial 1-6 te chu kan inkhawm ve thung dawn tihna a ni.


8th. Monday : Lo-ah mang ka va khawh a, dania ka kui nghal.


9th. Tuesday : Lo-ah mang ka va khawh leh a, thlai chi ka thlak nghal. Atei zin a lo haw.


10th. Wednesday : Chanchinbu ami tur thu ziakin ka buai nileng. Raltawna & Liannguri by Pi Kaii ka chhiar tan.


11th. Thursday : 


VCP, Pu Ropuia te Neihbawi huanah iskut zamna siamin ka inhlawh. Annahni tiamlo-in mi pathum kan ni.


12th. Friday : Pu Ropuia te huanah ka inhlawh leh. Nimina thawhpuite tumah an tel tawhlo a, mi panga lai erawh anmahni tiamlo-in kan ni thung. Zanah chanchinbu chhutna-ah ka kal.


13th. Saturday : Zingkarah Mafela, Kawnveng chu a thi. Ka hriat veleh ka phei nghal. A ni hi a thawhna, Vairengte a thi a ni a, a ruang a lo thlen mai dawnloh avangin chaw ei in ka haw leh. Chaw ei khamah ka kal leh a, bike kalna tur a awm remchang bawk a, Kawnpui dai thleng kan zu kal ve. Mitthi inah reilote ka awm leh hnu-in tih tur ka neih avangin ka haw nghal. Tlai-ah Kawnveng bazar-ah arm wrestling kan practice. Vansangkima te tgian dunin min rawn zirtir a ni.


14th. Sunday : Chawhnu-ah Sunday School ka kal. Tlai-ah SR&AC te V/C house-ah kan committee. Pi Thansiami'n pate Sangtuala chungchanga lehkha a rawn thehluh bawhzui in an in kan han endik. Pa Dika te inah a lo awm a, zana V/C house a kal tura tih a ni. Zanah ka inkhawm. Hei hi sorkar-in kar khat chhunga zan hnih inkhawm a phal tak avang a ni. Chawlhni leh Nilaini zanah te inkhawm thin a ni ang. Mapuia, Lengpui a thi tih ka hriatin pawi ka ti hle. Damvenga Danglova chu Kulikawn damdawi-inah a thi a, a nu leh pa te awmna, Bukpui-ah an ina chawlhpui zawk a nih hnu in phurh phei a ni. Pu Lianthanga camp a mi, inawkhlum an awm bawk a, kuang siam sak a ni bawk. A ni hi Maubawk lam mi a ni.


15th. Monday : Pu Ropuia te huanah ka thawk leh. Atirin pathum kan ni a, kan zinga Sangbera a chauh deuh avangin a haw leh.


16th. Tuesday : Pu Ropuia te huanah ka thawk leh. Nimina mi, Duha nen chauh tho kan ni.


17th. Wednesday : Pu Ropuia te huanah ka thawk leh. Kar hmasa Zirtawpni a rawn thawk, Pu Lawma nen chauh kan ni ve leh thung. Maawmi birthday a ni a, zanriah ei dawnin tawngtaina ka hmang. Zanah ka inkhawm.


18th. Thursday : Pu Ropuia te huanah ka thawk leh. Pu Lawma leh Duha te nen kan ni.


19th. Friday : Pu Ropuia te huanah ka thawk leh. Nimina mi bakah Ngila te nen kan ni. Zanah arm wrestling te dawhkan chhinchhiahna siamin Pu Ramzauva te inah kan hnatlang. Atei Aizawl a kal.


20th. Saturday : Pu Ropuia te huanah ka thawk leh. Nimina rawn thawk Ngila a tello.


21st. Sunday : Zingkarah Pathian ram ka khawn. Chawhnu-ah Sunday School kan kal. Pastor bial fan lai a ni a, zirlai a khai khawm. Tlai-ah SR&AC te V/C house-ah kan committee. Ngaihawm chalpheka chu inchhung thil hralh avangin koh a ni. Zanah ka inkhawm. Zalawra medal mi 15 hnenah leh Zalawra Medal Special pakhat semchhuah a ni bawk. Pu H. Vanlaldika, Rinchhan veng, Garmurra-a missionary an sawisak chuan report pek pahin Pathian Thu a sawi. Inkhawm thawhlawm hi an puala tih a ni bawk. Ka lehkhabu chhiar lai chu ka chhiar chhuak ta. 


22nd. Monday : Chhanhim venga Lalbiaktluanga fapa nausen a thi. Lawibual ram a kang a, kang thelhin ka kal ve. Mei a nat em avangin kan thelh rem theilo. Zanah ark wrestling OB te secretary, Pavala te inah kan committee. Chumi hnu in Vengtharah jersey enin kan va kal. Kan TV a chhia.


23rd. Tuesday : Inhlawh tumin ka chhuak a, thawhpui tur an awmloh avang leh kan section YMA te thlan laih hnatlang a awm bawk si avangin ka haw ve leh. Chuan, ka han hnatlang ve ta a, thlan khur khat jan lai. Zanah khawhar inah ka kal. Maawmi chu Kohhran Hmeichhe Jubilee lawmna Sihphir Kohhran biak inah a kal ve a, an group zai ho an zai. Ruai a theh nghal.


24th. Wednesday : Pu Auva pa, Lalpartlana a thi. Vuina-ah ka va kal ve. 'Chumchi leng' by Zoremi Hmar Zote ka chhiar tan.


25th. Thursday : Vailokawn zau hming loan diltu ten Nu Dini te inah Soil & Water Conservation RO chu kan lo kawm. Anni'n chhun chaw leh keini'n zanriah kan ei nghal. Zanah Zara te inah naktuka arm wrestling tournament a kal dan tur chungchang kan sawi ho.


26th. Friday : Laltluanga te quarry-ah lung sawhin ka va inhlawh.


27th. Saturday : Laltluanga te quarry-ah ka thawk leh a, ka zo. Ka sermon 'Zuali i dam lovang' tih chu Sawiremtlangah ka chhuah.


28th. Sunday : Chawhnu-ah Sunday School kan kal a, zanah ka inkhawm leh bawk. Tumkau ni a ni a, zan inkhawm hi hemi puala hun hman a ni. Bible Society Certificate engemawzat sem a ni.


29th. Monday : Pu Ropuia te huanah ka thawk leh. Ramtea, Chhuanmawii pasal nen kan ni. 


30th. Pu Ropuia te huanah ka thawk leh. Ramtea nen tho kan ni.


31st. Pu Ropuia te huanah ka thawk leh. Neihbawi mi, mi thar a rawn thawk tel a, pathum kan ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more