Skip to main content

World Boxing Council, Youth Super Feather Weight-ah Mizo tlangval a champion

 



Inrinni kalta zana  World Boxing Council, Youth Super Feather Weight (59kgs) title inchuhah Mizo tlangval, Lalrinsanga Tlau (Sangtea) chuan Eric Quarm (Ghana) chu unanimous decision (80-72, 80-72, 80-72) a hnehin champion kawnghren hlu tak a la.


Inelna hi R. Dengthuama Indoor Stadium, Mualpui-ah neih a ni a, hrileng avanga a hmuna mi nawlpui tan a en theihloh avangin TV leh mobile phone (PPV) hmangin a en theih thung. Pay Per View (PPV) hi India rama a vawikhatna a ni nghe nghe.


Sangtea te inhnek (main event) bakah inhnek dang hi bout panga lai a awm bawk a, heta inlan te chu : 


1. Rohit Choudhary (Punjab) v HC Lalremfela (Chawngtlai)

- Welterweight (kg 66.7) Remfela auninomous decision in a chak.


2. Asad Asif Khan (Kolkata) v Nabab Singh - featherweight (kg 57.2) Khana'n (Bengaluru) round thumna-ah a knockout.


3. Rakesh Krishnan (Bangalore) v Vanlalawmpuia (Khuangthing)

- Super lighweight (kg 63.5) - Awmpuia'n round lina-ah a knockout


4. Mazhar Hussain ( Kolkata) v F Zoramchhana ( Cherhlun)

- Super bantamweight (kg 55.3) - Zoramchhana auninomous decision in a chak.


5. Joseph Emmangidu (Congo) v C Lalhruaitluanga ( ITI) - Super featherweight (kg 69.9) - Hruaia auninomous decision in a chak.


Inhnek hi a hmunah hian Sports Minister, Pu Robert Romawia Royte leh Pu R. Lalzirlianate te bakah mi pawimawh thahnem takin an thlir a, Joy Zairemmawia leh Ruth Lalhnehpuii ten thiam takin an host bawk. 


Inhnek hmasa ber atangin a hmuhnawm nghal hle a, Mizo tlangvalin hnehna a'n chan ngat phei chuan a hmunah mai bakah mahni in theuhah te kan sahawk nasa hle in a hriat. Mizo tlangvalte an chak chhoh zel takah chuan nuam pawh kan ti tlang hle. A tawpa a pui ber tur a nghahhlelhawm phah lehzual hle. A thian dang te an chak vek avangin Sangtea tan nawrna a nasa hle. A main event berah a tlawm duai mai ang tih a hlauhthawnawm duh hle. 


An inhnek tan ta. Khawruhlian tlangval hian Eric Quarm lakah a chungnunna lantirin round 8 an inhnek chhungin round tinah hnehtu zawk a ni vek a, phû takin WBC kawnghren a hlawhchhuak.


A tê zawk ni mah se Sangtea hi a thiam em mai a, Eric Quarm hian eng kawngah mah a pha lo a ni ber. Quarm-a'n hnek fuh tumin a nawr char char a, Sangtea'n tawlhhnung hlek hlek chungin kawh zet zetin a lo hnek fu thin a, kan Mizo tlangval hian Eric Quarm-a kuttum a dawng tam lo hle. 


Sangtea 'class' a sang a, a process bout 5-ah te hnehna la chang vekin, boxing khawvelah hma hun êng tak a neihzia a lang chiang hle a. Sang zawk thleng turin theihna a nei tih a lang. Lalrinsanga Tlau (21) hian professional match tum nga a khelhna chiah a niin a chak vek ta a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more